Sagardoa nola egiten da?

Udaberrian loratzearekin hasten da egitekoa; lehenbiziko lanak kimatzea, belarra moztea eta izurriteak zaintzea izaten dira.

Uztaren bilketa  irailean hasten da eta abendura arte irauten du. Heldutasun mailaren eta barietateen arabera biltzen dugu sagarra; etxekoak aritzen gara, eskuz, bateko eta besteko laguntzaileen borondatearekin.

Ondoren sagardotegiko lanak hasten dira: sagarrak garbitu, txikitu eta dolarera bidaltzen dira, prentsatzeko. Handik kupeletara pasatzen da muztioa, era naturalean hartzidura prozesuari ekiteko. Horrela 4-5 hilabete igaro eta gero, sagardo bihurtzen da, eta puntu egokira iritsitakoan botilaratzeko prest dago.